Bank Respublika

Fərdi müştərilər

Biznes üçün

Haqqımızda

Google Pay Artıq Azərbaycanda!

Google Pay servisi Android əməliyyat sistemində çalışan cihazlar vasitəsilə təhlükəsiz şəkildə təmassız (NFC) və İnternet əməliyyatları həyata keçirməyə imkan verən servisdir.

Smartfonla ödəniş etmək üçün telefonun kilidini açıb POS-terminala yaxınlaşdırmaq kifayət edir.

Kartınızı bu servisə necə əlavə etmək olar?

Mobil Şöbə əlavəsi ilə:

Mobil Şöbə tətbiqində “Kartlar” bölməsini açıb istənilən kartın altında “Google Pay-a Əlavə” et üzərinə klikləyin
Əlavə etmək istədiyiniz bir kartı seçin
Daha sonra müştərinin Google account məlumatları yoxlanılır.
İstifadə şərtləri təsdiq olunduqdan sonra kart servis üzərindən ödəniş əməliyyatlarının aparılması üçün aktivləşdirilir.

Google Wallet əlavəsi ilə:

Android 5.0 və ya daha yüksək versiyalı cihazınızda əvvəlcədən quraşdırılmayıbsa, Google Wallet tətbiqini Google Store-dan yükləyin.
Kart məlumatlarınızı daxil edin.
Kart nömrəsini manual qaydada əlavə edin. Kartınız artıq Google Hesabınızla əlaqələndirilibsə, ödəniş məlumatlarınızı təsdiqləmək yetərlidir.
Təsdiq kodunu daxil edin.
SMS-lə aldığınız təsdiq kodunu daxil edib "Hazırdır" düyməsini basın. Kart əlavə olundu!

İndi alış-veriş üçün saniyələr ərzində ödəniş edə bilərsiniz. Təsdiq kodunu aldıqda xəta baş verərsə, SMS-məlumatlandırma xidmətini aktivləşdirmək üçün Bankın istənilən filialına müraciət edin.

Bank Respublikanın istənilən kartını Google Pay servisinə əlavə etdikdən sonra 100 manat qədər alış-verişi PİN kodu daxil etmədən ödəyin.

Google Pay üzərindən ödənişlər.

Mağazalarda: Android telefonunuzla Google Pay-dən istifadə olunan hər bir yerdə kontaktsız ödənişlər edə bilərsiniz. Bunun üçün cihazın arxa hissəsini terminala yaxınlaşdırıb ödənişin təsdiqini gözləyin. Google Pay tətbiqini açmağa ehtiyac yoxdur.

Tətbiqlərdə və vebsaytlarda: Kartınızı əlavə etmisinizsə, hər alışda kart məlumatlarınızı daxil etməyinizə ehtiyac yoxdur. Sadəcə ödəniş üsulu kimi Google Pay-i seçin və alışınızı təsdiqləyin!

Apple Pay Artıq Azərbaycanda!

Bank Respublika kartınızı Apple Pay ilə istifadə edərək daha təhlükəsiz və daha sürətli ödəniş edin.

Apple Pay ilə iPhone, Apple Watch, iPad və Mac-da Bank Respublika kartınızın bütün imkanlarından faydalanın. Apple Pay istifadədə rahatdır və gündəlik istifadə etdiyiniz cihazlarda işləyir. Kart məlumatlarınız cihazınızda saxlanmadığından və ya ödəniş zamanı paylaşılmadığından təhlükəsizlikdədir. Mağazalarda, tətbiqlərdə və onlayn şəkildə ödənişlər heç vaxt bu qədər asan, təhlükəsiz və məxfi olmayıb.

Alış etdiyiniz zaman Apple Pay cihaza özəl nömrə və unikal tranzaksiya kodundan istifadə edir. Kartınızın tam nömrəsi heç vaxt cihazınızda və ya Apple serverlərində saxlanmır və satıcılara ötürülmür. Bütün alışların məxfiliyini qorumaq üçün Apple Pay sizə aid ola biləcək tranzaksiya məlumatlarını saxlamır.

Apple Pay iPhone, Apple Watch, iPad və Mac cihazları ilə mağazalarda, tətbiqlərdə və onlayn şəkildə ödəniş etməyin daha asan və daha təhlükəsiz yoludur. Siz gündəlik işlətdiyiniz cihazlarla bir neçə saniyədə ödəniş edə bilərsiniz. Həmçinin Apple Pay onlayn və tətbiqdaxili ödənişlər üçün də daha etibarlı və sürətlidir, çünki artıq hesab yaratmağa və uzun-uzadı anket doldurmağa ehtiyac qalmır.

Apple Pay ilə uyğunluq təşkil edən cihazların siyahısı: http://www.apple.com/apple-pay/

NFC ödəniş

Bank Respublika Mobil Şöbə tətbiqetməsi üzərindən NFC ödənişləri yerinə yetirmək imkanı verir. NFC (Near field communication) kartın fiziki iştirakı olmadan birbaşa smartfon vasitəsilə POS ödənişlərini həyata keçirməyə imkan verən innovativ təmassız ödəniş texnologiyasıdır. Belə ki, əməliyyat zamanı rəqəmsal kart nömrəsi (virtual token) istifadə olunur ki, bu da şəxsi məlumatlarınızın təhlükəsizliyini qorumağa zəmanət verir. Təmassız ödənişi yerinə yetirmək üçün smartfonu əks tərəfi ilə POS terminala yaxınlaşdırmaq kifayət edir.

Smartfondakı NFC ödənişlərini necə aktivləşdirmək olar?

1. Bank Respublikanın istənilən kartını əldə edin

2. Mobil Şöbə tətbiqini smartfonunuza yükləyib aktivləşdirin

3. Tətbiq üzərindən seçilmiş kart üçün NFC-ni bir toxunuşla aktivləşdirin.

4. Kart tokenlə təchiz olunub və NFC ödənişləri istifadəyə hazırdır


Kartın NFC xidmətinə əlavə olunması üçün düymə	Xüsusi NFC pay menyusunda rəqəmsallaşdırılmış kartın (tokenin) göstərilməsi

NFC ödənişini necə yerinə yetirmək olar?

1. Əl ilə - “Manual mode" - ödənişi

"Əl ilə ödəniş" rejimi hər bir NFC ödənişi üçün individual qaydada kart seçmək imkanı verir. Bunu etmək üçün tranzaksiyadan öncə Mobil Şöbə tətbiqetməsinə daxil olub ödənişin ediləcəyi kartı (tokeni) seçmək tələb olunur. Daha sonra, smartfonu POS terminala yaxınlaşdıraraq, ekrandakı son nəticə ilə tanış olduqdan sonra, ödənişi tamamlayın (videotəlimata baxın).


"Əl ilə ödəniş" rejimi - " Manual mode " - ödənişi

2. Avtomatik - " Always-On mode" ödəniş

"Avtomatik ödəniş" rejimi Mobil Şöbə tətbiqetməsinə daxil olmadan, əvvəlcədən məbləğin silinməsi üçün default olaraq kartı təyin edib, ödəniş etmək imkanı verir. Bu rejimdə ödəniş etmək üçün telefonun kilidini açdıqdan sonra (kilid etibarlı olmalıdır - PIN / şəkil / barmaq izi) ödəniş üçün POS terminala yaxınlaşdırmaq kifayətdir. Avtomatik ödənişi aktivləşdirmək üçün bu rejimi NFC ödənişlərinin ayarlarında aktivləşdirmək kifayət edir.


"Avtomatik ödəniş" rejimini aktivləşdirmək üsulları

Yuxarıda qeyd olunan rejimlərin hər ikisində İnternet bağlantısı olmadan da ödəniş etmək olar – hər zaman!

Tokenləşdirilmiş kartlara daha tez yetişmək üçün, mobil tətbiqə daxil olmadan, telefonun kilidini açdıqdan sonra, birbaşa login səhifəsində NFC düyməsini vurub, ödəmək istədiyiniz kartı seçmək kifayətdir. Tez, asan, rahat və təhlükəsiz!

NFC texnologiyası haqqında daha hansı məlumatları bilmək vacibdir?

1. NFC ödənişlərini İos və Android platformasında yerinə yetirmək mümkündür

2. Hazırda bankda NFC ödənişlərini bütün kartlarla yerinə yetirmək olar

3. Mobil Şöbə tətbiqetməsində NFC funksiyasını aktivləşdirmədən öncə, smartfonunuzda NFC çipinin olduğundan əmin olun

4. Ödənişləri yerinə yetirmək məqsədilə telefon üçün təhlükəsiz kilid seçin - PIN / şəkil / barmaq izi

5. İstənilən NFC ödənişindən öncə mobil cihazınızı kiliddən çıxarın

“BANK RESPUBLİKA” ASC-nin kartlarının NFC xidmətindən istifadəsinə dair Şərtlər

Virtual qaydada E-PİN

E-PIN xidməti Bank Respublika-da ödəniş kartı sifariş edərkən, bu karta istədiyiniz PİN kodun bankın WEB səhifəsi vasitəsilə təyin edilməsi imkanını yaradan xidmətdir.

E-PIN xidməti Bank Respublika-da ödəniş kartı sifariş edərkən, bu karta istədiyiniz PİN kodun bankın WEB səhifəsi vasitəsilə təyin edilməsi imkanını yaradan xidmətdir. Bu xidmət tam təhlükəsiz qaydada həyata keçirilir və pulsuzdur. PİN kodun kart sahibi tərəfindən təyin edilməsi gələcəkdə onun unudulması hallarının baş vermə ehtimalını azaldır. Müştəri, WEB ilə təyin olunan PİN kodu POS-terminal əməliyyatlarında istifadə etmək üçün ilk öncə həmin PİN kodu ATM vasitəsilə aktiv etməlidir. Bunun üçün istənilən ATM-də hər hansı əməliyyatın aparılması (balans yoxlamaq və ya nağdlaşdırmaq) kifayyətdir.

Yeni sifariş edilmiş kart üzrə PİN kod təyin etmək üçün https://reg.azericard.com/pin_rsp/ səhifəsinə keçərək burada kartın məlumatlarını daxil etmək lazımdır. Məlumat daxil edildikdən sonra kart sahibinə SMS vasitəsilə şifrə göndərilir. Daha sonra müştəri bu şifrədəki ulduzların yerinə istədiyi PİN kodu yazmaqla əməliyyatı tamamlayır.

Daha ətraflı

ATM vasitəsilə E-PİN

E-PIN xidməti Bank Respublika-da ödəniş kartı sifariş edərkən, bu karta istədiyiniz PİN kodun bankın ATM şəbəkəsi vasitəsilə təyin edilməsi imkanını yaradan xidmətdir.

E-PIN xidməti Bank Respublika-da ödəniş kartı sifariş edərkən, bu karta istədiyiniz PİN kodun bankın ATM şəbəkəsi vasitəsilə təyin edilməsi imkanını yaradan xidmətdir. Bu xidmət tam təhlükəsiz qaydada həyata keçirilir və pulsuzdur. PİN kodun kart sahibi tərəfindən təyin edilməsi gələcəkdə onun unudulması hallarının baş vermə ehtimalını azaldır. Əlavə olaraq, ATM ilə təyin olunan PİN kod dərhal digər əməliyyatların həyata keçirilməsi üçün aktivləşir. Bank tərəfindən kart çap edildikdən sonra kart sahibinə SMS vasitəsilə birdəfəlik PİN kod göndərilir. Birdəfəlik PİN kodu ATM-də daxil etməklə müştəri istədiyi yeni PİN kodu təyin edə bilər. Daha ətraflı https://bit.ly/37jH34L .

İnternet Şöbə

Bank Respublika müştərilərə çox sadə, rahat və operativ qaydada bank xidmətləri ilə dünyanın istənilən ölkəsindən idarəetmə imkanı yaradan bir xidmətdir (www.bankim.az).

“İnternet Şöbə”-də hansı xidmətlərdən faydalanmaq olar?

Bu servis vasitəsilə əksər maliyyə əməliyyatlarını bilavasitə banka gəlmədən gün ərzində “24 saat” rejimində tamamilə təhlükəsiz qaydada həyata keçirmək mümkündür.

“İnternet Şöbə” xidmətindən yararlanaraq müştərilər plastik kartlarının balansını artırmaq,plastik kart sifarişi və kartın balansı haqqında məlumat əldə etmək, kreditin onlayn sifarişini etmək və kredit borclarının ödənilməsi ilə yanaşı kredit qrafikini izləmək, kommunal xidmətlərin ödənişini aparmaq mümkündür.Həmçinin Depozit və Cari hesablar üzrə məlumatların və rekviztlərin alınması kimi xidmətlərdən asan faydalanmaq imkanları mövcuddur.

“İnternet Şöbə”-ni necə aktivləşdirmək olar?

Xidmətə qoşulmaq üçün müştəri bankın istənilən ofisinə yaxınlaşıb, xidmətin istifadəsinə dair ərizəni doldurub müraciət edə bilər.

“İnternet Şöbə”-ni necə istifadə etmək olar?

Bu xidmətdən istifadə etmək üçün bir neçə imkanlar yaradılmışdır.

1) Şəxsiyyət vəsiqəsinin nömrəsi ilə

Şəxsiyyət vəsiqəsinin nömrəsini müvafiq xanada qeyd etdikdən sonra mobil telefona SMS-lə xüsusi şifrə göndərilir ki, onu daxil etdikdə “Internet Şöbə”-dən istifadə etmək mümkündür.

2) Login və şifrə ilə

Bankın ofislərinə müraciət etməklə, login və şifrəni almaq mümkündür. Bu login və şifrəni müvafiq xanalara daxil etməklə, xidmətdən istifadə etmək mümkündür. Şifrani dəyişmək üşün "Şifrəni dəyiş" moduluna daxil olmaq olar.

3) Asan İmza ilə

ASAN İmza ilə daxil olmaq üçün müvafiq xanalara Telefon nömrəsini və Asan İmza istifadəçi İD-sini daxil etmək yetərlidir.

Cash by code

«Cash by Code» - hətta kartı olmayan şəxslərə də pul göndərə biləcəyi xidmət növüdür.

Pul göndərmək üçün bankomatın menyusundan «Cash by Code» – «Pul göndər» xidməti seçilməlidir. Sonra Siz pul göndərmək istədiyiniz şəxsin mobil nömrəsini və köçürmənin məbləğini daxil edirsiniz. Bankomat 2 hissəli xüsusi kod hazırlayır - birinci hissə Sizin üçün çap edilir, ikinci hissə isə pulu alana SMS vasitəsilə göndərilir. Sizdən kodun 1-ci hissəsini öyrəndikdən və SMS-lə 2-ci hissəni aldıqdan sonra alıcı sadəcə olaraq bankomat üzərində yuxarı sağ düyməni sıxır, əldə olunmuş kodu daxil edir və ona göndərilən məbləği alır. Kod 24 saat müddətində qüvvədədir. Bu əməliyyatı keçirmək üçün vəsaiti alana kart tələb olunmur. Hətta bu əməliyyatı Bank Respublika bankomatlarında həyata keçirmək mümkündür.

3D Secure

«3D Secure» - dələduzluq hallarından mühafizə olunmaq və İnternet vasitəsilə keçirilən ödənişlərin təhlükəsizləşdirilməsi imkanı verən texnologiyadır.

Aktiv internet istifadəçiləri çox vaxt qlobal şəbəkədə plastik kartla ödəniş etməli olurlar. Bu zaman adətən etirablılığı sual altında olan saytlarda məxfi məlumatı qeyd etmək lazım gəlir. Beləliklə, dələduzluq qurbanı olma riski yaranır. Kartın itirilməsi və ya oğurlanması zamanı bu risk daha da artır. Kartdan internetdə istifadə etmək cinayətkar üçün problem yaratmır – bütün lazım olan məlumatlar kartın üzərində qeyd edilimişdir.

Artıq Bank Respublikanın MasterCard və Visa International kart sahibləri İnternet vasitəsilə həyata keçirdikləri əməliyyatları təhlükəsizləşdirə və itki riskini xeyli azalda bilər. Bu internet-ödənişlərin təhlükəsizliyinin təmin edilməsində "3D Secure" adlı ən müasir texnologiyanın köməyilə mümkündür.

Bu texnologiyanın iş prinsipi müştərinin autentifikasiyasının yalnız müştəriyə aid olan və kartın üzərində qeyd edilməyən xüsusi “3D” parolu vasitəsilə “AzeriCard” prosessinq mərkəzinin mühafizə olunan səhifəsində aparılmasıdır.

“SMS Notification” xidmətinə qoşulu olan kart sahibləri avtomatik olaraq “3D Secure” xidmətinə qoşuludurlar. “3D Secure” təhlükəsizlik standartını dəstəkləyən saytlarda ödəniş edən zaman onlar “3D Secure Authentification” səhifəsində autentifikasiya metodu kimi birdəfəlik SMS şifrəsi seçir.Yalnız həmin şifrənin təsdiqindən sonra ödəniş uğurla sona çatdırılır.

“SMS Notification” xidmətinə qoşulu olmayan müştərilər həmçinin “3D Secure” xidmətinə qoşula bilərlər. Bu zaman 3D parolu əldə etmək üçün bankomatın menyusundan "3D Secure üçün birdəfəlik parollar siyahısı" bölməsi seçilməli, birdəfəlik parollar qeyd edilmiş çek çap olunmalı və www.azericard.com səhifəsində qeydiyyatdan keçilməlidir. Qeydiyyat zamanı müştəri birdəfəlik 3D parolunu təyin etməlidir. “3D Secure” təhlükəsizlik standartını dəstəkləyən saytlarda ödəniş edən zaman müştərilər “3D Secure Authentification” səhifəsində autentifikasiya metodu kimi bir dəfəlik 3D Secure parol seçirlər və yalnız parolun təsdiqindən sonra ödənişi sona çatdırırlar.

3D Secure xidmətinə qoşulma pulsuzdur və kart sahibləri bu xidmətdən istifadəyə görə heç bir ödəniş etmirlər.

Cash-to-Card

Bu xidmət vasitəsilə Cash-in bankomatından plastik kartdan istifadə etməyərək nağd vəsaiti karta yatırmaq mümkündür. Yatırılan pullar kartla istifadə üçün dərhal aktivləşir.

Bu xidmətdən istifadə etmək istəyən müştəri Cash-in bankomatı monitorunun yuxarı sağ küncündəki düyməni basır. Cash-to-Card əməliyyatını seçərək müştəri 2 dəfə kartın 16 rəqəmli nömrəsini daxil edir, yatırılan vəsaitin valyutasını qeyd edir, sonra nağd pulu Cash-in qəbuledicisinə daxil edir və sonda əməliyyatı təsdiq edir.

Bu xidmətin daha bir üstünlüyü ondadır ki, Bank Respublikanın Visa Virtuon virtual kartına nağd vəsaitin yatırılması da mümkündür.

Pin change

PIN Change xidməti müştəriyə ödəmə kartının mövcud şəxsi eyniləşmə nömrəsini (PIN kodu) daha yadda qalan kod ilə dəyişməyə imkan yaradır.

Bu xidmət müştəriyə bir neçə plastik kart sahibi olduğu zamanı faydalı olur, çünki bütün plastik kartların müxtəlif PIN-lərini yadda saxlamaq bir az çətindir. Müştəri şəxsən özü, ona rahat olan vaxt PİN-i Bank Respublika-nın bütün bankomatlarında dəyişə bilər. Kodu dəyişmək üçün bankomatın menyusunda aşağıdakı əməliyyatları seçmək kifayətdir: “xidmətin ödənilməsi”, “servis”, “PİN change” və yeni PİN-i daxil etmək. ŞEN-i dəyişərlən dörd rəqəmin elə ardıcıllığını seçin ki, onu yadda saxlamaq Sizə rahat olsun. Tərkakrlanan (1111) və ardıcıl olan (1234) rəqəmləri seçməyin, çünki bu ardıcılliğı rahat seçmək olar. Bununla yanaşı bütün bank kartlarınız üçün eyni ŞƏN-i seçməyinizi də tövsiyyə etmirik.

Cash-in

Bu xidmət vasitəsilə standart əməliyyatlardan başqa Cash-in bankomatları Bank Respublikanın plastik kart sahiblərinə manat və ABŞ dollarında olan kart hesablarına nağd pul vəsaitlərilə artırmaq imkanı verir. Pulların qəbulu online rejimində həyata keçirilir, bankomata əlavə olunan vəsaiti dərhal istifadə etmək mümkündür.

Azericard şəbəkəsində kart hesabının valyutasından fərqli valyutada Cash in əməliyyatı aparıldıqda Bank Respublika ASC-nin əməliyyat gününə təyin etdiyi məzənnə ilə konvertasiya həyata keçirilir. Əməliyyat sona yetirildikdən sonra məbləğ müştərinin kartında aktivləşdirilir, Əməliyyat 14.00-dək aparıldıqda, silinmə eyni məzənnə ilə həyata keçirilir. Əməliyyat 14.00-dan sonra aparıldığı təqdirdə məbləğ növbəti iş gününə təyin edilmiş məzənnəyə əsasən silinir.

SMS Xəbərdarlıq

Bank Respublika plastik kart sahibləri SMS Notification xidmətinə qoşularaq real zamanda öz kart hesablarına dair məlumat əldə edə bilərlər.

SMS Notification xidmətindən istifadə edərək kart sahibi mobil telefonuna kartı üzrə mədaxil və məxaric əməliyyatları üzrə sms xəbərdarlıq alır. Bununla yanaşı kart sahibi kart hesabının qalığı haqqında məlumat əldə edir ki, bu da şəxsi xərclərin idarə edilməsində yardımçı olur. Xidmət həmçinin maaş kart sahibləri üçün faydalıdır. Onlar hesaba maaş hesablanan zaman ani olaraq telefona xəbərdarlıq alır.

Xidmətə qoşulmaq üçün bank və ya mobil operatora müraciət etmək lazım deyil. Xidmətə istədiyiniz zaman Mobil Şöbə tətbiqindən və Bank Respublika-nın bankomatları vasitəsilə qoşula bilərsiniz.

Mobil Şöbə tətbiqindən qoşulmaq üçün, əsas menyudan Sms xəbərdarlıq almaq istədiyiniz kartın üzərində dayanıb, - “Kart məlumatları”- “SMS Bildiriş” – düyməsini basaraq xidmətə qoşula bilərsiniz.

Bankomatlardan qoşulmaq üçün isə menyudan “xidmətin ödənilməsi” - “servis” – “digər xidmətlər” - “SMS Notification” və mobil telefon nömrəsini yığaraq, telefonunuza SMS xəbərdarlıq alacaqsınız.

Xidmətin aylıq istifadə haqqı – 0.99 AZN təşkil edir

Məhsullar, Kompaniyalar və Xəbərlər üzrə axtarış

Ən çox axtarılan

Filial və Bankomatlar

Bizimlə Əlaqə

Mənə zəng edin

Bizə yazın

Filial və Bankomatlar

Bizimlə Əlaqə

Fərdi müştərilər

Biznes üçün

Haqqımızda

Əlavə xidmətlər

Google Pay Artıq Azərbaycanda!

Apple Pay Artıq Azərbaycanda!

Bank Respublika kartınızı Apple Pay ilə istifadə edərək daha təhlükəsiz və daha sürətli ödəniş edin.

NFC ödəniş

Virtual qaydada E-PİN

ATM vasitəsilə E-PİN

İnternet Şöbə

Cash by code

3D Secure

Cash-to-Card

Pin change

Cash-in

SMS Xəbərdarlıq

Fərdi müştərilər

Onlayn xidmətlər

Bank Haqqında

Kart istifadəçiləri olan hörmətli bank müştəriləri!