GÜZƏŞTLİ KREDİTLƏR
Əsas şərtlər:
- Kreditin məbləği - 5 min manatdan 10 milyon manatadək
- Kreditin müddəti - 10 ilədək
- İllik faiz dərəcəsi - 5 %-dək
- Güzəşt müddəti - kredit müddətinin yarısınadək
Tələb olunan sənədlər:
- Sahibkarlıq subyektinə aid məlumatların Fonda ötürülməsinə dair sahibkarın razılığını təsdiq edən sənədin əsli;
- 200 min manatadək kreditlər üzrə sahibkarlıq subyektinin investisiya layihəsinə dair məlumat, 200 min manatdan böyük kreditlər üzrə biznes plan;
- “Kredit büroları haqqında” Azərbaycan Respublikasının Qanununa uyğun olaraq müəyyən edilmiş kredit hesabatı;
- VÖEN-in surəti;
- Şəxsiyyət vəsiqəsinin surəti;
- Sahibkarın fəaliyyət göstərəcəyi yerə və ya əmlaka dair sənədlərin surətləri.
Güzəştli kreditlərin tətbiq olunduğu prioritet istiqamətlər:
kənd təsərrüfatı, istehsal / emal, loqistik mərkəz, soyuducu və ya taxıl ambarı, turizm, rəqəmsal iqtisadiyyat.
Dövriyyə vəsaitlərinin alınması üçün güzəştli kredit
Əsas şərtlər:
- Kreditin məbləği - 5.000 manatdan 500.000 manatadək
- Kreditin müddəti - 24 ayadək
- İllik faiz dərəcəsi - 5 %
Güzəştli kreditlərin tətbiq olunduğu prioritet istiqamətlər:
Kənd təsərrüfatı məhsullarının istehsalı və emalı və sənaye məhsullarının istehsalı və emalı
TEXNİKA (AVADANLIQ) KREDİTİ
Əsas şərtlər:
- Kreditin məbləği - 5 min manatdan 3 milyon manatadək
- Faiz dərəcəsi - illik 9%-dək
- Kreditin müddəti - 5 ilədək
- Güzəşt müddəti - avadanlığın quraşdırılması üçün tələb olunan vaxt nəzərə alınmaqla, 12 ayadək
Tələb olunan sənədlər:
- Sahibkarlıq subyektinə aid məlumatların Fonda ötürülməsinə dair sahibkarın razılığını təsdiq edən sənədin əsli;
- 200 min manatadək kreditlər üzrə sahibkarlıq subyektinin investisiya layihəsinə dair məlumat, 200 min manatdan böyük kreditlər üzrə biznes plan;
- “Kredit büroları haqqında” Azərbaycan Respublikasının Qanununa uyğun olaraq müəyyən edilmiş kredit hesabatı;
- VÖEN-in surəti;
- Şəxsiyyət vəsiqəsinin surəti;
- Sahibkarın fəaliyyət göstərəcəyi yerə və ya əmlaka dair sənədlərin surətləri:
- Avadanlığın alınmasına dair ilkin razılaşma sənədinin (əsas texniki-iqtisadi göstəriciləri barədə məlumat əlavə olunmaqla) surəti;
- Avadanlığın qiymətləndirilməsi haqqında sənədin surəti;
- Daşınar əmlakın yüklülüyünün dövlət reyestrindən əldə olunan yüklülük bildirişinin surəti;
- Sahibkarlıq subyekti tərəfindən avadanlığın qiymətləndirilmiş satış dəyərinin minimum 20%-i (yerli istehsal məhsulu olan avadanlıqlar üçün 10%) həcmində müvəkkil kredit təşkilatına ilkin ödəniş həcmində bank hesabında vəsaitin olmasını (və ya müqaviləyə uyğun olaraq satıcıya ödənildiyini) təsdiq edən sənədin surəti.
